TARAN TRIO – музычны праект з Беларусі, заснаваны вядомым акардэаністам Анатолем Таранам. Несумненна, кожны слухач знойдзе для сябе нешта неардынарнае і новае ў гучанні гурта.
Будучы сольным выканаўцам, Анатоль Таран стаў пераможцам і лаўрэатам дзясятка замежных конкурсаў, і стыпендыятам прэстыжных праграм, паслядоўна ствараючы свой вобраз як джазавага музыканта.
У 2016-м у Партугаліі музыка заняў першае месца на прэстыжным конкурсе "Трафей свету", пасля чаго некаторыя СМІ назвалі яго "чэмпіёнам свету па ігры на баяне". Геаграфія яго выступленняў – ад Германіі да Турцыі, ад Бразіліі да Кітая, ад Канады да ААЭ.
Супрацоўніцтва музыкаў у новым анлайн-праекце стварае лабірынты джазавай, авангарднай, народнай музыкі, пашыраючы прастору для імправізацыі. У праграме таксама гучаць творы, якія выконваюцца музыкамі ўпершыню.
- Анатоль Таран – беларускі акардэаніст, уладальнік шматлікіх узнагарод, лаўрэат міжнародных конкурсаў.
- Слава Сяргеенка – бас, сесійны музыкант, лаўрэат міжнародных конкурсаў.
- Ілля Сцяпанаў – барабаны, адзін з лепшых барабаншчыкаў Беларусі , фіналіст праекта "Украіна мае таленты", лаўрэат шматлікіх узнагарод.
- Ігар Ляўчук – спецыяльны госць, беларускі музыкант-віртуоз, мультыінструменталіст.
