Віртуальная выстава “ДЗЕ ТВОЙ ТВАР” Анастасіі Рыдлеўскай

Прэзентуе выставу аўтарка Анастасія Рыдлеўская

Анастасія Рыдлеўская - маладая мастачка з Беларусі, жыве ў Польшчы.

У праекце “Дзе твой твар” дзве часткі: "Дом" і "Без дома". У першай частцы гэтага апаведу - «Дом» - ёсць два радзелы «Зіма» і «Лета», абодва з якіх ствараліся аўтарам на радзіме ў Беларусі, разам з сям'ёй.

Вымушаная пакінуць дом і сям'ю, аўтарка стварыла другую частку праекта - "Без дома", якая з'явілася ўжо ў Польшчы.

У творчасці Анастасіі спляліся і яе любоў да візуальных мастацтваў з дзяцінства, і філалагічная адукацыя: Анастасія скончыла БДУ, спецыяльнасць "Выкладчык французскай і італьянскай моў, выкладчык замежнай і французскай літаратуры". У тым ліку і таму важную ролю ў праектах Насты адыгрывае слоўны наратыў.

Выяўленчаму мастацтву Анастасія вучылася ў студыях, скончыла курсы ў такіх мастакоў як Новак Уладзімір Лявонцьевіч, Лены Гіль, удзельнічала ў актыўнасцях студыі “6B”.

І ў серыі масак, і ў жывапісе, і ў графіцы Анастасіі можна заўважыць і любоў да наіўнага мастацтва Азіі, Афрыкі і Акіяніі, а таксама надрыў і водгаласы брынклівага ў фарбах жыцця з палотнаў Анры Маціса, Ван Гога, Хаіма Суціна, і метамадэрн такіх сучасных мастакоў як Naudline Pierre Cluvie і Anna Mond, якія блізкія па духу Анастасіі сваёй манерай выкрыцця глыбінных падсвядомых працэсаў. Працы Насты можна назваць дзённікам эмоцый, якія адкрыта перадаюць перажыванні аўтара на часам вельмі балючыя тэмы.

Анастасія ўдзельнічала ў шматлікіх групавых выставах у Беларусі і за мяжой, а таксама выстаўлялася сольна.