"Наш горад Мінск"

Выстава "Майстэрні Побач"

Сацыяльная ўстанова дапамогі людзям з аўтызмам «Майстэрня Побач» прадстаўляе мастацкія працы студэнтаў Майстэрні, прысвечаныя Мінску.

Чаму галоўным героем выставы стаў Мінск?

Мы хочам паказаць горад, якім яго бачаць нашы студэнты, паказаць знакавыя, усімі любімыя мясціны. Гэта Асмолаўка і парк імя Горкага, вазы на праспекце Незалежнасці, хата з русалкамі, Чырвоны касцёл і шмат што іншае. Мы імкнемся паказаць важнасць даступнага гарадскога асяроддзя, аб'яднаць тэму горада і жыццё чалавека з аўтызмам у ім. У кожнага жыхара Мінска ёсць свае любімыя маршруты, і ў чалавека з аўтызмам яны таксама ёсць. Часта мы ідзем піць каву ў адно і тое ж любімае кафэ, выбіраем пэўную дарогу, калі едзем па справах ці збіраемся на шпацыр. Для чалавека з аўтызмам вельмі важныя такія рытуалы, знаёмыя маршруты, звыклае асяроддзе. Нягледзячы на тое, што знаёмы маршрут - гэта частка стэрэатыпіі для людзей з аўтызмам, яны любяць горад гэтак жа, як любім яго мы.

Мы хочам, каб кожны жыхар Мінска ведаў, што побач жывуць розныя людзі
Падтрымаць майстэрню можна, пералічыўшы любую пасільную для вас суму на дабрачынны рахунак МДГА "Майстэрня Побач" праз АРІП: дабрачыннасць, грамадскія аб'яднанні /Дапамога дзецям, дарослым/ Майстэрня Побач / дабрачынныя ўзносы / код паслугі 5249641.

_{*Для прагляду выставы націсніце на адзін з абразкоў}

АЎТАРЫ ПРАЕКТА:

ШЫНКЕВІЧ МАТВЕЙ (10 гадоў)
Мацвей любіць гуляць у лега і гуляць у планшэт. У вольны час ён малюе, лепіць з пластыліну і гліны, глядзіць ролікі па гісторыі і геаграфіі, ведае ўсё пра дыназаўраў. Смела можна сказаць — «хадзячая энцыклапедыя».

СТАРАСВІЦКІ РАМАН (10 гадоў)
Мілы, добры і крыху сарамлівы, Рома любіць кантактавацца, пісаць тэксты, маляваць і гуляць у планшэт, глядзець відэа пра грыбы.

САЎЧЫК МІЦЯ (31 год)
Дапытлівы, працавіты, любіць дапамагаць родным і навакольным людзям. Міця любіць збіраць канструктары з лега і маляваць. Ён глядзіць навіны на планшэце і самастойна фатаграфуе на тэлефон усё, што адбывалася ў яго за дзень.

БУЙНОЎСКІ АЛЯКСАНДР (12 гадоў)
Паслядоўны і сур'ёзны. Саша любіць гуляць у тэлефон, кампутар, глядзець мультфільмы і відэа.

ГОТТА УЛАДЗІМІР (14 гадоў)
Добры, чулы, ранімы, з заразлівым смехам.
Любіць транспарт, пазлы, фігуркі герояў, лато. Глядзіць мультфільмы і казкі.

ДЗІМА ЛАБОЦКІ (14 гадоў)
Дзіма любіць гуляць у лега і збіраць маленькія цацкі з кіндэрсюрпрызаў, гуляць у кампутарныя гульні. Любіць прагулкі па горадзе. Любіць глядзець відэа-агляды станцый метро і розных маршрутаў наземнага транспарту.

КОСЦІН АЛЯКСЕЙ (16 гадоў)
Лёша любіць мультфільмы, фантастычныя фільмы, гуляць на вуліцы, катацца на арэлях і на самакаце. Гуляць на кампутары. Цікавіцца героямі мультфільмаў, фігуркамі, любіць складаць пазлы.

МАЗАНІК МАТВЕЙ (13 гадоў)
Мацвей любіць гуляць з мячыкам, катацца на самакаце і вісець на турніку, ляпіць з пластыліну. Больш за ўсё любіць парашут у майстэрні і не выносіць адчыненыя дзверы і вокны.

МІШУК ІВАН (19 гадоў)
Пуктуальны, сур'ёзны, вельмі акуратны, Іван любіць збіраць пазлы, гуляць у планшэт, любіць бульбу фры, любіць глядзець музычныя кліпы, рэкламныя ролікі. Любіць хадзіць у басейн і скакаць з вышкі.

ШЧУПАК БОГДАН (13 год)
Энергічны, самастойны, сапраўдны «чалавек - рух». Багдан любіць батуты, турнік, гамак, лато і слаймы. Любіць мультфільмы, відэа пра насякомых, купацца і лазіць на спорткомплексе.

КАБАК АЛЯКСАНДР (20 гадоў)
Саша калекцыянуе мыла з рознымі пахамі! Любіць глядзець ютуб і гуляць з папрыгунчыкам.

Стэфан Шэўчык (16 гадоў)
Майстар графікі, захоплены і ўважлівы да дэталяў. Стэфан – летуценнік футурыст. Захоплены ідэямі будучага ладу гарадоў, дзе ёсць тэлепорты, паветраныя ліфты і высокі эканамічны рост, у гарадах камфортна жывецца ўсім людзям і жывёлам. Стэфан марыць, што людзі ў будучыні ўмеюць спраўляцца са сваімі злымі пачуццямі, а гуманізм – найвялікшая чалавечая каштоўнасць. Марыць адправіцца ў падарожжа, але вельмі баіцца лятаць на самалёце. А яшчэ Стэфан любіць глядзець кароткія ролікі ў ютубе, есць чыпсы і салёныя арэшкі.

Хільмановіч Варвара (12 гадоў).
Вясёлая, непасрэдная, таварыская дзяўчынка. Заразліва смяецца і любіць быць у цэнтры ўвагі.
Вары падабаецца спяваць, расказваць вершы, танцаваць, маляваць, спрабаваць новыя стравы і часам гарэзнічаць.