Трэці дакументальны сюжэт з цыкла «Культура для ўсіх», які расказвае пра тры розныя культурныя ініцыятывы для людзей з абмежаванымі магчымасцямі. Праект паказвае спосабы сацыялізацыі людзей з асаблівым поглядам на свет, каб яны адчувалі сябе запатрабаванымі, з'яўляючыся не толькі пасіўнымі назіральнікамі, але і актыўнымі ўдзельнікамі творчых праектаў.
Першая частка фільма распавядае пра культурніцкія ініцыятывы “Сацыяльнага валанцёрскага клуба”, удзельнікі якога вырашылі павялічыць сваю прысутнасць у сацыяльных сетках і медыях. Для гэтага быў арганізаваны майстар-клас па відэаздымцы з удзелам рэжысёра і педагога Рамана Сачанкі. Як вядома, вучыцца значна цікавей на практыцы, таму вырашана было сумясціць майстар-клас па відэаздымкам з заняткамі па танцах на інвалідных калясках, бочы і баскетболе на інвалідных калясках.
Другая частка фільма расказвае пра праект “Усё проста. Інклюзіўная спартыўная каманда” - групу аднадумцаў, якія знаёмяць са спортам людзей з абмежаванымі магчымасцямі. Кіраўнік праекта Ірына Дзергач дзяліцца сваёй персанальнай гісторыяй і расказвае пра сучаснасць і будучыню клуба. Сябры клуба ў апошні час пашыраюць сваю дзейнасць у бок іншых актыўнасцяў, у т.л. экскурсій па гістарычных і культурных мясцінах Беларусі. Нядаўна ўдзельнікі ініцыятывы наведалі Дом-музей Янкі Купалы ў вёсцы Вязынка.
Фінальная частка фільма распавядае пра “Майстэрню побач”, унікальную арганізацыю, якая дапамагае людзям з аўтызмам вучыцца жыць у навакольным свеце. У майстэрні рабяты займаюцца творчасцю – малююць, лепяць з гліны, робяць мазаікі. Пра заняткі Майстэрні Побач — тут.
Адзін з апошніх праектаў "Майстэрні" прысвечаны роднаму гораду - Мінску.
Выставу «Наш горад Мінск» можна паглядзець у віртуальнай галерэі на сайце art-context.com.
САЦЫЯЛЬНЫ ВАЛАНЦЁРСКІ КЛУБ:
WWW - socialclub.by
https://www.instagram.com/andrei_gapanovich/
t.me/socialclubminsk
УСЕ МАГЧЫМА, ІНКЛЮЗІЎНАЯ СПАРТЫЎНАЯ КАМАНДА
https://www.facebook.com/vvkomanda
https://www.instagram.com/vvkomanda/
Майстэрня пабач
https://www.facebook.com/dobroe2015
WWW - https://autisminfo.by/
