AKUTE
Музычны гурт з Магілёва, заснаваны ў 2008 годзе былымі ўдзельнікамі гурта «Глюкі» — вакалістам і гітарыстам Стасам Мытнікам і бас-гітарыстам Раманам Жыгаравым.
Стыль гурта самі музыкі вызначаюць як “дыска-дэкаданс". За 14 год існавання гурт выпусціў пяць поўнафарматных альбомаў. Музыкі з’яўляюцца пераможцамі нацыянальных і міжнародных рок-прэмій і конкурсаў: «Рок-каранацыя», Basowiszcza, «Даём рады», UltraMusic Awards, «Героі года» і іншых.
Песні AKUTE ўвайшлі ў саўндтрэк першага беларускага моладзевага серыяла “Вышэй за неба”.
Улетку 2022 г. на Youtube-канале музыкаў было апублікавана афіцыйнае відэа на новы сінгл - трэк «Ціск» з чарговага альбому гурта.
